-
ashem vohű ... (3).
sraoshahe ashyehe taxmahe tanumăthrahe darshi-draosh âhűiryehe xshnaothra
ýasnâica vahmâica xshnaothrâica (râspî,) frasastayaęca. (zôt,) ýathâ ahű
vairyô zaotâ frâ-mę mrűtę, (râspî,) ýathâ ahű vairyô ýô zaotâ frâ-mę mrűtę,
(zôt,) athâ ratush ashâtcît haca frâ ashava vîdhvĺ mraotű!
-
(zôt u râspî,) sraoshem
ashîm huraodhem verethrâjanem frâdat-gaęthem ashavanem ashahe ratűm
ýazamaide (zôt,) ýô paoiryô mazdĺ dâmăn frasteretât paiti baresmen ýazata
ahurem mazdăm ýazata ameshę speńtę ýazata pâyű thwôreshtâra ýâ vîspa
thweresatô dâmăn.
-
ahe raya hvarenanghaca
ainghe ama verethrakhnaca ahe ýasna ýazatanăm tem ýazâi surunvata ýasna
sraoshem ashîm zaothrâbyô ashîmca vanguhîm berezaitîm nairîmca sanghem
huraodhem, âca-nô jamyât avanghe verethrajĺ sraoshô ashyô.
-
sraoshem ashîm ýazamaide,
ratűm berezańtem ýazamaide ýim ahurem mazdăm ýô ashahe apanôtemô ýô ashahe
jakhműshtemô, vîspa sravĺ zarathushtri ýazamaide, vîspaca hvarshta
shyaothna ýazamaide varshtaca vareshyamnaca. ýenghę hâtăm ... tĺscâ
ýazamaide!
-
sraoshem ashîm huraodhem
verethrâjanem frâdat- gaęthem ... ýazamaide,
-
ýô paoiryô baresma
frasterenata thryaxshtîshca pańca-ýaxshtîshca hapta-ýaxshtîshca
nava-ýaxshtîshca âxshnűshca maidhyôi-paitishtânăsca ameshanăm speńtanăm
ýasnâica vahmâica xshnaothrâica frasastayaęca. ahe raya ... tĺscâ
ýazamaide!
-
sraoshem ashîm huraodhem
verethrâjanem ... ýazamaide,
-
ýô paoiryô gâthĺ
frasrâvayat ýĺ pańca spitâmahe ashaonô zarathushtrahe afsmanivăn
vacastashtivat mat-âzaińtîsh mat-paiti-frasĺ ameshanăm speńtanăm ýasnâica
vahmâica xshnaothrâica frasastayaęca. ahe raya ... tĺscâ ýazamaide!
-
sraoshem ashîm huraodhem
verethrâjanem frâdat- gaęthem ... ýazamaide
-
ýô drikhaoshca drîvyĺsca
amavat nmânem hăm-tâshti pasca hű frâshmô-dâitîm ýô aęshmem sterethwata
snaithisha vîxrűmańtem hvarem jaińti atca hę bâdha kameredhem jakhnvĺ
paiti hvanghayeiti ýatha aojĺ nâidyĺnghem. ahe raya ... tĺscâ ýazamaide!
-
sraoshem ashîm huraodhem
verethrâjanem ... ýazamaide taxmem âsűm aojanghvańtem darshitem sűrem
berezaidhîm
-
ýô vîspaęibyô haca
arezaęibyô vavanvĺ paiti-jasaiti vyaxma ameshanăm speńtanăm. ahe raya ...
tĺscâ ýazamaide!
-
sraoshem ashîm huraodhem
verethrâjanem ... ýazamaide ýűnăm aojishtem ýűnăm tańcishtem ýűnăm
thwaxshishtem ýűnăm âsishtem ýűnăm parô-katarshtemem, paitishata
mazdayasna sraoshahe ashyehe ýasnem.
-
dűrât haca ahmât nmânât
dűrât haca ainghât vîsat dűrât haca ahmât zańtaot dűrât haca ainghât
dainghaot akhĺ ithyejĺ vôikhnĺ ýeińti ýenghe nmânaya sraoshô ashyô
verethrajĺ thrăfedhô
asti paiti-zańtô nâca ashava frâyô-humatô frâyô-hűxtô
frâyô-hvarshtô. ahe raya ... tĺscâ ýazamaide!
-
sraoshem ashîm huraodhem
verethrâjanem ... ýazamaide ýô vananô kayadhahe ýô vananô kâidhyehe ýô
jańta daęvayĺ drujô ash-aojanghô ahűm-mereńcô ýô hareta aiwyâxshtaca
vîspayĺ fravôish gaęthayĺ.
-
ýô anavanghabdemnô
zaęnangha nipâiti mazdĺ dâmăn ýô anavanghabdemnô zaęnangha nishhaurvaiti
mazdĺ dâmăn ýô vîspem ahűm astvańtem eredhwa snaithisha nipâiti pasca hű
frâshmô-dâitîm.
-
ýô nôit pascaęta
hushhvafa ýat mainyű dâmăn daidhîtem ýasca speńtô mainyush ýasca angrô
hishârô ashahe gaęthĺ ýô vîspâish ayănca xshafnasca ýűidhyeiti
mâzanyaęibyô hadha daęvaęibyô.
-
hô nôit tarshtô
frânâmâite thwaęshât parô daęvaęibyô frâ ahmât parô vîspe daęva anusô
tarshta nemańte tarshta temanghô dvareńti. ahe raya ... tĺscâ ýazamaide!
-
sraoshem ashîm huraodhem
verethrâjanem ... ýazamaide ýim ýazata haomô frâshmish baęshazyô srîrô
xshathryô zairi-dôithrô barezishte paiti barezahi haraithyô paiti barezayĺ
-
hvacĺ pâpô-vacĺ pairi-gĺ
vacĺ paithimnô vîspô-paęsîm mastîm ýăm pouru-âzaińtîm măthraheca
paurvatâtem. ahe raya ... tĺscâ ýazamaide!
-
sraoshem ashîm huraodhem
verethrâjanem ... ýazamaide ýenghe nmânem vârethrakhni hazangrô-stűnem
vîdhâtem barezishte paiti barezahi haraithyô paiti barezayĺ hvâraoxshnem
ańtara-naęmât stehrpaęsem nishtara-naęmât.
-
ýenghe ahurô vairyô
snaithish vîsata verethrajĺ ýasnasca haptanghâitish fshűshasca măthrô ýô
vârethrakhnish vîspĺsca ýasnô-keretayô. ahe raya ... tĺscâ ýazamaide!
-
sraoshem ashîm huraodhem
verethrâjanem ... ýazamaide ýenghe amaca verethrakhnaca haozăthwaca
vaędhyâca avâin ameshĺ speńta aoi haptô-karshvairîm zăm ýô daęnô-disô
daęnayâi.
-
vasô-xshathrô fracarâiti
aoi ýăm astvaitîm gaęthăm, aya daęnaya fraoreńta ahurô mazdĺ ashava frâ
vohu manô frâ ashem vahishtem frâ xshathrem vairîm frâ speńta ârmaitish
frâ haurvatâs frâ ameretatâs frâ âhűirish frashnô frâ âhűirish tkaęshô.
-
frâ adha vaęibya ahubya
vaęibya nô ahubya nipayĺ âi sraosha ashya huraodha aheca anghęush ýô
astvatô ýasca asti
manahyô pairi drvatat mahrkât pairi drvatat aęshmât pairi drvatbyô
haęnaęibyô ýĺ us xrűrem drafshem gerewnăn aęshmahe parô draomębyô ýĺ
aęshmô duzhdĺ drâvayât mat vîdhâtaot daęvô-dâtât.
-
adha-nô-tűm sraosha ashya
huraodha zâvare dayĺ hitaęibyô drvatâtem tanubyô pouru-spaxshtîm
tbishyańtăm paiti-jaitîm dushmainyunăm hathrâ-nivâitîm hamerethanăm
aurvathanăm tbishyańtăm. ahe raya ... tĺscâ ýazamaide!
-
sraoshem ashîm huraodhem
verethrâjanem ... ýazamaide ýim cathwârô aurvańtô aurusha raoxshna
frâderesra speńta vîdhvĺnghô asaya mainivasanghô vazeńti, srvaęna aęshăm
safĺnghô zaranya paiti-thwarshtĺnghô,
-
âsyangha aspaęibya
âsyangha vâtaęibya âsyangha vâraęibya âsyangha maękhaęibya âsyangha
vayaęibya pataretaęibya âsyangha hvastayĺ ainghimanayĺ,
-
ýôi vîspę tę apayeińti ýă
ave paskât vyeińti nôit ave paskât âfeńte, ýôi vaęibya snaithîzhbya
frâyatayeińti vazemna ýim vohűm sraoshem ashîm ýatcit ushastaire hińdvô
âgeurvayeite ýatcit daoshataire nikhne. ahe raya ... tĺscâ ýazamaide!
-
sraoshem ashîm huraodhem
verethrâjanem ... ýazamaide ýô berezô berezyâstô mazdĺ dâmăn nishanghasti
-
ýô âthritîm hamahe ayăn
hamayĺ vâ xshapô imat karshvare avazâite ýat hvanirathem bâmîm snaithish
zastaya drazhimnô brôithrô-taęzhem hvâ-vaękhem kameredhe paiti daęvanăm
-
snathâi angrahe manyęush
drvatô snathâi aęshmahe xrvîm-draosh snathâi mâzainyanăm daęvanăm snathâi
vîspanăm daęvanăm. ahe raya ... tĺscâ ýazamaide!
-
sraoshem ashîm huraodhem
verethrâjanem ... ýazamaide idhatca ainidhatca idhatca vîspămca aipi imăm
zăm vîspĺ sraoshahe ashyehe taxmahe tanumăthrahe taxmahe hăm-vareitivatô
bâzush-aojanghô rathaęshtĺ kameredhô-janô daęvanăm vanatô vanaitîsh
vanaitivatô ashaonô vanatô vanaitîsh vanaińtîmca uparatâtem ýazamaide
ýămca sraoshahe ashyehe ýămca arshtôish ýazatahe.
-
vîspa nmâna sraoshô-pâta
ýazamaide ýenghâdha sraoshô ashyô fryô frithô paiti-zańtô nâca ashava
frâyô- humatô frâyô-hűxtô frâyô-hvarshtô. ahe raya hvarenanghaca ...
varshtaca vareshyamnaca. ýenghę hâtăm ... tĺscâ ýazamaide! (zôt u râspî,)
ýathâ ahű vairyô athâ ratush ashâtcît hacâ ... (2)!!
