About us / ClubDNA™ / History / Zoroastrian / Mehrdad™ / News / Blog / MyDNA™ / ChatMusic / 4U! / Shopping / Travel / Downloads / Services / Links / Contact us

 

 

ZOROASTRIAN    

Siroza 2 (*Dedications for the thirty days of the month)

 

 

+ AVESTA
-  Yasna
-  Khordeh Avesta
-  Visperad
-  Vendidad
-  Fragments

 

 

- 101 NAMES

- ANGELS

- CALENDAR

 
AVESTAN
1. ahurem mazdăm raęvańtem hvarenanguhańtô ýazamaide ameshâ speńtâ huxshathrâ hudhĺnghô ýazamaide.


2. vohu manô ameshem speńtem ýazamaide âxshtîm hăm-vaińtîm ýazamaide taredhâtem anyâish dâmăn âsnem xratűm mazdadhâtem ýazamaide gaoshô-srűtem xratűm mazdadhâtem ýazamaide.


3. ashem vahishtem sraęshtem ameshem speńtem ýazamaide airyamanem ishîm ýazamaide sűrem mazdadhâtem ýazamaide saokăm vanguhîm vouru-dôithrăm mazdadhâtăm ashaonîm ýazamaide.


4. xshathrem vairîm ameshem speńtem ýazamaide ayôxshustem ýazamaide marzhdikem thrâyô-drikhűm ýazamaide.


5. speńtăm vanguhîm ârmaitîm ýazamaide râtăm vanguhîm vouru-dôithrăm mazdadhâtăm ashaonîm ýazamaide.


6. haurvatâtem ameshem speńtem ýazamaide ýâiryăm hushitîm ýazamaide saredha ashavana ashahe ratavô ýazamaide.


7. ameretatâtem ameshem speńtem ýazamaide fshaonîm văthwăm ýazamaide aspinâca ýevînô ýazamaide gaokerenem sűrem mazdadhâtem ýazamaide,
(hâwan gâh:)
mithrem vouru-gaoyaoitîm ýazamaide râma hvâstrem ýazamaide,
(rapithwin gâh:)
ashem vahishtem âtremca ahurahe mazdĺ puthrem ýazamaide,
(uzîrin gâh:)
berezańtem ahurem xshathrîm xshaętem apăm napâtem aurvat-aspem ýazamaide apemca mazdadhâtăm ashaonîm ýazamaide,
(aiwisrűthrim gâh:)
ashâunăm vanguhîsh sűrĺ speńtĺ fravashayô ýazamaide khenĺsca vîrô-văthwĺ ýazamaide ýâiryămca hushitîm ýazamaide amemca hutashtem huraodhem ýazamaide verethrakhnemca ahuradhâtem ýazamaide vanaińtîmca uparatâtem ýazamaide,
(ushahin gâh:)
sraoshem ashîm huraodhem verethrâjanem frâdat- gaęthem ashavanem ashahe ratűm ýazamaide rashnűm razishtem ýazamaide arshtâtemca frâdat-gaęthăm varedat-gaęthăm ýazamaide.


8. dadhvĺnghem ahurem mazdăm raęvańtem hvarenanguhańtô ýazamaide ameshâ speńtâ huxshathrâ hudhĺnghô ýazamaide.


9. âtrem ahurahe mazdĺ puthrem ýazamaide hvarenô mazdadhâtem ýazamaide savô mazdadhâtem ýazamaide airyanem hvarenô mazdadhâtem ýazamaide ukhrem kavaęm hvarenô mazdadhâtem ýazamaide, âtrem ahurahe mazdĺ puthrem ýazamaide kavaęm haosravanghem ýazamaide vairîm haosravanghem ýazamaide asnvańtem gairîm mazdadhâtem ýazamaide caęcastem vairîm mazdadhâtem ýazamaide ukhrem kavaęm hvarenô mazdadhâtem ýazamaide, âtrem ahurahe mazdĺ puthrem ýazamaide raęvańtem gairîm mazdadhâtem ýazamaide ukhrem kavaęm hvarenô mazdadhâtem ýazamaide, âtrem ahurahe mazdĺ puthrem ýazamaide âtarsh speńta rathaęshtâra ýazamaide ýazata pouru-hvarenangha ýazamaide ýazata pouru-baęshaza ýazamaide, âtrem ahurahe mazdĺ puthrem ýazamaide vîspe âtarô ýazamaide xshathrem nafedhrem nairyô-sanghem ýazatem ýazamaide.


10. âpô vanguhîsh mazdadhâtĺ ashaonîsh ýazamaide aredvîm sűrăm anâhităm ashaonîm ýazamaide vîspĺ âpô mazdadhâtĺ ashaonîsh ýazamaide vîspĺ urvarĺ mazdadhâtĺ ashaonîsh ýazamaide.


11. hvarexshaętem ameshem raęm aurvat-aspem ýazamaide.


12. mĺnghem gaocithrem ýazamaide gaom aęvô- dâtahe urunô fravashîm ýazamaide gaom pouru-saredhahe urunô fravashîm ýazamaide.


13. tishtrîm stârem raęvańtem hvarenanguhańtem ýazamaide satavaęsem frâpem sűrem mazdadhâtem ýazamaide vîspe stârô afshcithra ýazamaide vîspe stârô zemascithra ýazamaide vîspe stârô urvarô-cithra ýazamaide vanańtem stârem mazdadhâtem ýazamaide aoe stręush ýazamaide ýôi hapta haptôirińga mazdadhâta hvarenanguhańta baęshazya paitishtâtęe ýâthwăm pairikanămca.


14. gęush hudhĺnghô urvânem ýazamaide drvâspăm sűrăm mazdadhâtăm ashaonîm ýazamaide.


15. dadhvĺnghem ahurem mazdăm raęvańtem hvarenanguhańtô ýazamaide ameshâ speńtâ huxshathrâ hudhĺnghô ýazamaide.


16. mithrem vouru-gaoyaoitîm hazangra-gaoshem baęvare- cashmanem aoxtô-nâmanem ýazata ýazamaide râma hvâstrem ýazamaide.


17. sraoshem ashîm huraodhem verethrâjanem frâdat- gaęthem ashavanem ashahe ratűm ýazamaide.


18. rashnűm razishtem ýazamaide arshtâtemca frâdat-gaęthăm varedat-gaęthăm ýazamaide erezhuxdhem vâcim ýat frâdat-gaęthem ýazamaide.


19. ashâunăm vanguhîsh sűrĺ speńtĺ fravashayô ýazamaide.


20. amem hutashtem huraodhem ýazamaide verethrakhnem ahuradhâtem ýazamaide vanaińtîmca uparatâtem ýazamaide.


21. râma hvâstrem ýazamaide vaęm ashavanem ýazamaide vaęm uparô-kairîm ýazamaide taredhâtem anyâish dâmăn aętat tę vayô ýazamaide ýat tę asti speńtô-mainyaom, thwâshem hvadhâtem ýazamaide zrvânem akaranem ýazamaide zrvânem darekhô-hvadhâtem ýazamaide.


22. vâtem speńtem hudhĺnghem ýazamaide adharem ýazamaide uparem ýazamaide fratarem ýazamaide pascăithîm ýazamaide nairyăm hăm-vareitîm ýazamaide.


23. dadhvĺnghem ahurem mazdăm raęvańtem hvarenanguhańtem ýazamaide ameshâ speńtâ huxshathrâ hudhĺnghô ýazamaide.


24. razishtăm cistăm mazdadhâtăm ashaonîm ýazamaide daęnăm vanguhîm mâzdayasnîm ýazamaide.


25. ashîm vanguhîm ýazamaide xshôithnîm berezaitîm amavaitîm huraodhăm hvâparăm hvarenô mazdadhâtem ýazamaide savô mazdadhâtem ýazamaide pâreńdîm raorathăm ýazamaide airyanem hvarenô mazdadhâtem ýazamaide ukhrem kavaęm hvarenô mazdadhâtem ýazamaide ukhrem ahvaretem hvarenô mazdadhâtem ýazamaide zarathushtrahe hvarenô mazdadhâtem ýazamaide.


26. arshtâtem frâdat-gaęthem ýazamaide gairîm ushi-darenem mazdadhâtem asha-hvâthrem ýazatem ýazamaide.


27. asmanem hvanvańtem ýazamaide vahishtem ahűm ashaonăm ýazamaide raocanghem vîspô-hvâthrem.


28. zăm hudhĺnghem ýazatem ýazamaide imĺ asĺ imĺ shôithrĺ ýazamaide gairîm ushi-darenem mazdadhâtem asha-hvâthrem ýazatem ýazamaide vîspĺ garayô asha-hvâthrĺ pouru-hvâthrĺ mazdadhâta ashavana ashahe ratavô ýazamaide ukhrem kavaęm hvarenô mazdadhâtem ýazamaide ukhrem ahvaretem hvarenô mazdadhâtem ýazamaide.


29. măthrem speńtem ashhvarenanghem ýazamaide dâtem vîdôyűm ýazamaide dâtem zarathushtri ýazamaide darekhăm upayanăm ýazamaide daęnăm vanguhîm mâzdayesnîm ýazamaide zarazdâitîm măthrem speńtem ýazamaide ushi-darethrem daęnăm mâzdayesnîm ýazamaide vaędhîm măthrem speńtem ýazamaide âsnem xratűm mazdadhâtem ýazamaide gaoshô-srűtem xratűm mazdadhâtem ýazamaide.


30. anakhra raocĺ hvadhâtĺ ýazamaide raoxshnem garô nmânem ýazamaide misvânem gâtűm hvadhâtem ýazamaide cinvat-peretűm mazdadhâtăm ashaonîm ýazamaide berezańtem ahurem xshathrîm xshaętem apăm napâtem aurvat-aspem ýazamaide apemca mazdadhâtăm ashaonîm ýazamaide haomem zâirîm berezańtem ýazamaide haomem frâshmîm frâdat-gaęthem ýazamaide haomem dűraoshem ýazamaide dahmăm vanguhîm âfritîm ýazamaide ukhrem taxmem dâmôish upamanem ýazatem ýazamaide, vîspemca ashavanem mainyaom ýazatem ýazamaide vîspemca ashavanem gaęthîm ýazatem ýazamaide.
[ashâunăm vanguhîsh sűrĺ speńtĺ fravashayô staomi zbayemi[[2]] ... verethrakhnat!!!]

 

 

 

 

 

 

 

[PAST . PRESENT . FUTURE]

© Copyright 1998-2007  PersianDNA  All Rights Reserved.